Mesa duket, rikthimi i P. Diddy në muzikë është shumë më afër nga ç’e kemi menduar. Dhe befasia më e madhe? Ai pritet të bashkëpunojë me Kanye West.
Sipas një burimi të afërt me Kanye-n, “Është vetëm çështje kohe” para se një këngë ose edhe një album i ri të publikohet. Burimi shton se bashkëpunimi mes dy artistëve mund të shërbejë si një formë katarsisi për të dy: “Muzika ishte shpëtim për Diddy-n, ashtu siç ishte edhe për Kanye-n. Diddy po përpiqet të rregullojë gabimet. Mendoj se një këngë do të ishte mënyra më e mirë për të komunikuar ndryshimin.”
Mendohet se puna e përbashkët mes tyre ka nisur që më herët. Në muajin mars, Kanye publikoi një fragment të një kënge të re, ku dëgjohej zëri i Diddy-t, 55 vjeç, i regjistruar nga burgu Metropolitan Detention Center në Brooklyn, ku po qëndron në pritje të gjyqit për trafikim.
Një burim pranë Diddy-t ka treguar për The Post se reperi nuk ishte në dijeni se telefonata po regjistrohej me video dhe mendonte se Kanye po e telefononte “thjesht për të pyetur për fëmijët e tij”.
Në një pjesë të këngës së Kanye-s, dëgjohet Diddy duke i thënë:
“Trego kujdes atje jashtë, sepse me siguri po përpiqen të na shkatërrojnë.”
Ai shton:
“Ata nuk do t’ia dalin. Do ta fitoj këtë luftë dhe do jem pranë teje.”
Këto fjalë duket se i referohen drejtpërdrejt çështjes së tij gjyqësore, ku përballet me akuza të rënda për trafik seksual dhe bashkëpunim kriminal – për të cilat rrezikon burgim të përjetshëm.
