Jennifer Aniston vazhdon të jetë frymëzim për miliona fansa në mbarë botën – jo vetëm për rolet e saj ikonike, por edhe për mënyrën se si arrin të ruajë një trup të tonifikuar dhe një stil jete aktiv edhe në moshën 56-vjeçare.
Por cili është çelësi i kësaj forme kaq të admirueshme?
Trajnerja e saj personale, Dani Coleman, ka zbuluar për DailyMail.com se sekreti i Jennifer nuk qëndron në stërvitje të gjata dhe rraskapitëse, por në inteligjencën dhe konsistencën me të cilën ajo qaset ndaj aktivitetit fizik.
“Ajo i pëlqen stërvitjet sfiduese dhe është kënaqësi të shohësh sa shumë është forcuar në këto katër vite,” – tha Dani.
Rutina e Jennifer përfshin një kombinim të ushtrimeve me pesha, lëvizje për forcë dhe shpërthime të shkurtra kardio. Çdo seancë fillon me ngrohje dinamike dhe përfundon me shtrirje për ftohje, duke e bërë stërvitjen të plotë dhe efektive.
“Ajo ushtron çdo ditë,” – shton trajnerja. “Ndonjëherë bëjmë një orë të plotë, ndonjëherë një seancë më të shkurtër, por gjithmonë mundohemi të ruajmë një ritëm të qëndrueshëm dhe të përshtatur me orarin e saj të ngarkuar.”
Një nga metodat kryesore që ajo ndjek është Pvolve – një teknikë që fokusohet në forcimin funksional të muskujve, sidomos në zonën e barkut, pa u mbështetur te “crunch”-et klasike. Me tre format e saj: Strength & Sculpt, Sculpt & Burn dhe Progressive Weight Training, Aniston punon në mënyrë të balancuar gjithë trupin.
Për Jennifer-in, kjo nuk është thjesht një rutinë fizike – është një pjesë e rëndësishme e mirëqenies së saj mendore dhe emocionale.
“Gjithmonë është e përgatitur dhe e motivuar,” – thekson Dani. “Ajo është një shembull i shkëlqyer për disiplinë dhe forcë.”
Ndërkohë që shumë njerëz mund të mendojnë se një trup i tillë kërkon orë të panumërta në palestër, trajnerja e saj përgënjeshtron këtë ide. Sekreti? Balanca, qasja funksionale dhe dashuria për kujdesin ndaj vetes.
