Moderatorja e njohur shqiptare, Arbana Osmani, ka zbuluar planet e saj për rikthimin në ekran gjatë një interviste për emisionin “Prive”. Ajo konfirmoi se nga muaji shtator do të jetë sërish aktive me jo një, por dy projekte të reja.
Arbana tregoi se emisioni “Mirëmbrëma yje”, i cili u publikua ekskluzivisht në YouTube sezonin e parë, do të rikthehet këtë vjeshtë me një sezon të dytë. Ajo u shpreh e kënaqur me suksesin që arriti programi:
“Jam e befasuar nga rezultatet për sezonin e parë, duke pasur parasysh që ishte një emision në YouTube.”
Përveç këtij rikthimi, Arbana zbuloi edhe një tjetër surprizë për ndjekësit:
“‘Mirëmbrëma yje’ do të rikthehet në shtator dhe po e zbuloj për ju që do të ketë edhe një projekt tjetër. Pra, do të ketë 2 projekte.”
Të dy projektet do të transmetohen në YouTube, duke treguar se Arbana po e shfrytëzon në maksimum platformën digjitale për të komunikuar me publikun. Megjithatë, moderatorja nuk përjashtoi mundësinë e një rikthimi edhe në televizion:
“Nuk i them jo një emisioni televiziv.”
Tani, të gjithë sytë janë nga shtatori, kur pritet që Arbana të sjellë energji të reja dhe përmbajtje cilësore në skenën mediatike shqiptare.
