Një video që ka nisur të qarkullojë me shpejtësi në rrjetet sociale ka ndezur debat dhe indinjatë. Bëhet fjalë për momentin kur Egli Tako, në koncertin e saj të parë, interpreton këngën “Mora fjalë” të Shkurte Fejzës – një këngë me simbolikë të fortë kombëtare – në një klub nate dhe me një veshje që është konsideruar si e papërshtatshme për rastin.
Ndër të parat që ka reaguar është këngëtarja Albina Kelmendi, e cila ka ndarë vetë videon në rrjetet e saj sociale, duke mos i fshehur aspak ndjenjat e saj:
“M’falni edhe mu që po e bëj share. Uroj që ky të jetë një montazh i keq!”, ka shkruar ajo me një ndjesi zhgënjimi.
Në video, e shoqëruar me një koment të fortë që ka shkaktuar reagime të shumta, thuhet:
“Adem Jashari dhe Shkurte Fejza, na falni. Na falni që një këngë kaq e madhe për ne, bastardohet duke e kënduar në brekë.”
Ky incident ka rihapur diskutimin mbi etikën në interpretimin e këngëve me ngarkesë historike dhe emocionale, veçanërisht kur bëhet fjalë për figura të shenjta të kulturës shqiptare si Shkurte Fejza dhe simbolikën që mbart muzika e saj.
