Moderatorja Kiara Tito ka ndarë me publikun disa detaje të sinqerta nga jeta në çift me Luiz Ejllin, duke treguar se, ndonëse shpesh në qendër të vëmendjes, është mjaft e thjeshtë në përditshmëri.
E ftuar në një intervistë televizive, Kiara u pyet nga Lei Kraja: “Si ndihesh më seksi, me të brendshme apo me këmishën e Luizit?”. Ajo u përgjigj pa komplekse:
“Gjatë periudhës së shtatzënisë veshja vetëm bluzat e Luizit se i ka extra large dhe oversize, e kam kaluar kështu shtatzëninë time. Tani fle me pizhame, jam shumë e mërzitshme si grua, me pizhame normale.”
Kiara pranoi se nuk është nga ato që eksperimentojnë shumë me veshjen, pasi tashmë ka gjetur stilin që i përshtatet dhe nuk ndjek çdo trend të momentit. Në fakt, një prej tendencave që nuk e pëlqen aspak është ajo e pantallonave me bel të ulët:
“Trendi i pantallonave me bel të ulët, të shkurtër. Sado të rikthehen në modë, unë nuk do t’i vesh kurrë.”
Ndërkohë, edhe pse nuk ka një ikonë mode specifike që e frymëzon, Kiara thotë se pëlqen të ndjekë influencueset shqiptare dhe të huaja për të marrë ide:
“Nuk është se kam një person që më frymëzon për veshjen, por më pëlqen të ndjek trendet e fundit. Shoh shumë shpesh edhe influencueset e ndryshme të huaja, edhe shqiptare.”
E pyetur për ndonjë emër konkret, ajo u përgjigj:
“Ndonjë emër specifik nuk është se kam, se janë të gjitha të mira. Kanë fituar një lloj stili që më pëlqen shumë.”
Në një moment tjetër të intervistës, Kiara tregoi edhe një incident që i ka ndodhur në skenën e “Portokallisë”:
“Kisha një fustan fantastik ngjyrë jeshil. Në moment të fundit para se të ngjiteshim në skenë, këputet zinxhiri.”
Me thjeshtësinë që e karakterizon, Kiara duket se nuk e ka aspak problem të tregojë edhe anët më “të zakonshme” të jetës së saj, duke u bërë edhe më e dashur për publikun që e ndjek.
