E ftuar në emisionin “Live From Tirana” me Ronaldo Sharkën, Roza Lati vendosi të qartësojë një deklaratë të bujshme që u bë virale pak kohë më parë, ku ajo kishte shkruar “më është shpifur televizioni”. Portale të ndryshme spekuluan se mesazhi kishte në shënjestër Heidi Bacin, por moderatorja mohoi çdo lidhje personale me ish-banoren e “Big Brother VIP”.
“S’ka asgjë personale me vajzën, ka edhe televizione të tjera që marrin prezantuese që s’dinë të flasin…”, tha Roza, duke theksuar se nuk ishte një sulm individual, por një kritikë më e gjerë ndaj gjendjes së ekranit shqiptar.
Ajo shtoi se publiku sot është më i vëmendshëm dhe nuk gëlltit më çdo gjë që i servohet:
“Mendoj se syri i publikut është shumë i shkathët, ashtu siç jemi rrahur ne duke bërë televizion dhe syri i publikut është rrahur duke parë…”, tha ajo, duke shtuar se rrjetet sociale kanë ndihmuar në “hapjen e syve” të shikuesve.
Roza Lati, e cila ka qenë edhe vetë pjesë e “Big Brother VIP”, pranoi se është ndjerë e zhgënjyer dhe e lodhur nga industria e televizionit:
**“Siç më është shpifur mua”,** u shpreh ajo, duke shtuar se reagimi i saj ishte i natyrshëm dhe i lidhur me një lodhje të përgjithshme profesionale.
Në një moment të mëparshëm, Lati kishte rrëfyer se në televizion kishte ndjerë dëshirën thjesht “të luante ping-pong”, duke treguar për përballjet e brendshme që ka përjetuar gjatë karrierës së saj në media.
