Hollywood-i ka një çift të ri të famshëm që po bën bujë në mediat rozë: Pamela Anderson dhe Liam Neeson. Romanca e tyre lindi gjatë xhirimeve të filmit të fundit komedi, “The Naked Gun”, dhe tashmë është bërë publike.
Sipas një burimi për revistën “People”, marrëdhënia mes dy yjeve është “në fazat e hershme”, por ata duken të dashuruar dhe po shijojnë çdo moment pranë njëri-tjetrit. Aktori 73-vjeçar, i njohur për rolin e tij në “Taken”, dhe ish-ylli i famshëm i “Baywatch”, janë parë së bashku në disa evente publike, përfshirë edhe premierën e filmit në tapetin e kuq në New York City.
Burimet thonë se dyshja ka krijuar një lidhje të veçantë gjatë xhirimeve dhe e kanë vazhduar këtë afërsi edhe jashtë kamerave. Ata janë shfaqur shpesh të buzëqeshur dhe të afërt në publik, duke tërhequr gjithnjë e më shumë vëmendjen e fansave dhe mediave.
Nuk dihet ende nëse kjo lidhje do të zgjasë, por për momentin Pamela dhe Liam po e shijojnë shoqërinë dhe kohën e tyre së bashku. Dhe Hollywood-i, si gjithmonë, nuk rri pa komentuar.
