Këngëtarja dhe moderatorja Rozana Radi ka zgjedhur rrjetet sociale për t’i bërë një dedikim të veçantë mikeshës së saj të ngushtë, Livia Brunga, me rastin e ditëlindjes. Ajo kujtoi se miqësia e tyre nisi brenda shtëpisë së Big Brother, si një lidhje e papritur që nuk kërkohet, por të gjen vetë, dhe që i ka mbijetuar kohës e sfidave sepse është ndërtuar mbi vlera të vërteta.
“Ti je uragani im i vogël, me energjinë dhe zjarrin që të rrëmben pa paralajmërim. Më ke mësuar të shoh botën ndryshe, me më shumë ndjeshmëri dhe forcë,” shkroi Rozana, duke e cilësuar Livia-n si një bekim që nuk ka nevojë për fjalë të mëdha, por që ndjehet në heshtje dhe në praninë e saj.
Ajo shtoi me humor se vitet mund të ndryshojnë shumë gjëra, por shpreson që Livia të mos humbasë “maninë” për të kundërshtuar, duke e parë këtë si pjesë të bukurisë së saj unike.
