Adelina Ismajli, një nga figurat më të njohura dhe më të drejtpërdrejta të muzikës shqiptare, ka treguar se ringritja e saj artistike nuk ka ndodhur rastësisht. Në një rrëfim të sinqertë në emisionin “21 Gradë” në RTV21, ajo ka folur hapur për periudhat e vështira dhe se kush i qëndroi pranë në momentet më kritike.
“Në Shqipëri e ndjej veten më të vlerësuar. Në Kosovë kam pasur rastin që disa mediume m’kanë fut në lloq… Shqipëria më ka nxjerrë nga ajo baltë. Shqipëria ma ka shpëtuar karrierën,” – deklaroi këngëtarja, duke mos i kursyer emocionet.
Ajo shtoi se mbështetja e publikut shqiptar ka qenë vendimtare për të mos u dorëzuar në momente presioni dhe kritike: “Në Shqipëri kam gjetur gjithmonë mbështetje dhe ndihmë që nuk e kam marrë kudo.”
Për Ismajlin, kjo dashuri e publikut nuk është thjesht mirënjohje, por një forcë që e ka shtyrë të vazhdojë të krijojë dhe të mos e humbasë besimin tek vetja.
