Dikur i adhuruar nga miliona fansa dhe i quajtur shpesh “Brad Pitti francez”, aktori Olivier Martinez sot është thjesht një kujtim i viteve të arta të Hollivudit.
59-vjeçari që pushtoi ekranet me rolet në Unfaithful* dhe *S.W\.A.T. shijonte një karrierë ndërkombëtare të bujshme dhe romanca që bënin xhiron e botës – nga Kylie Minogue tek Rosie Huntington-Whiteley. Kulmi i famës së tij erdhi me martesën me Halle Berry në vitin 2013, me të cilën solli në jetë djalin e tyre, Maceo. Por lidhja përfundoi me një divorc të gjatë e të stuhishëm, që zvarritej në gjykata deri në vitin 2023.
Proceset ligjore pas ndarjes ishin të mbushura me tension. Halle Berry e ka akuzuar se “mbështetet financiarisht tek pagesat e kujdestarisë” dhe se nuk ka treguar kujdesin e duhur për djalin e tyre. Gjykatat shpesh i kanë dhënë të drejtë aktores, duke detyruar Martinez të marrë pjesë në terapi të bashkë-prindërimit.
Në karrierë, rënia është edhe më e dukshme. Pas vitit 2018, aktori është shfaqur vetëm në tre filma, ndërsa projekti i fundit daton në 2020 – një kontrast i fortë me fillimviteve 2000, kur ishte një emër i pandashëm i kinemasë botërore. Sot ai jeton në Los Angeles, i tërhequr nga dritat e skenës dhe pa asnjë lidhje të re publike.
Nga një ikonë e ekranit në një figurë të harruar – historia e Olivier Martinez është një nga transformimet më të papritura të Hollivudit.
