Selena Gomez po jeton më shumë se kurrë periudhën e saj si nuse, dhe këtë e dëshmon çdo imazh nga festa e saj e beqarisë.
Këngëtarja 33-vjeçare udhëtoi drejt Cabo San Lucas me një grup të ngushtë mikeshash për një fundjavë plotë diell, det dhe buzëqeshje. Ndonëse festa ishte private, Selena zgjodhi t’i bëjë fansat pjesë të saj duke ndarë në Instagram një sërë fotosh ku tema kryesore ishte vetëm një: BRIDE!
Nga imazhet me një velo të shkurtër të vendosur mbi flokë, tek çastet buzë detit, gotat e ngritura në ajër dhe një lodër gjigante në pishinë me mbishkrimin “BRIDE”, çdo detaj tregonte gëzimin e saj. Ndër më të përfolurat ishte një foto ku Selena shfaqej duke buzëqeshur nën tullumbace me mbishkrimin “MRS LEVIN”, një referencë e qartë për të fejuarin e saj, producentin Benny Blanco (emri i plotë i të cilit është Benjamin Joseph Levin).
Edhe veshja e saj mori vëmendje të madhe: një fustan i bardhë mini, backless, i zbukuruar me perla dhe një velo të vogël me fjongo të bardhë – një look që e bënte të dukej një nuse moderne e përkryer.
Ndërkohë, Benny, 37 vjeç, po shijonte beqarinë e tij në Las Vegas, me një ditë spa, shumë ushqim dhe patjetër një natë në kazino.
Çifti nisi lidhjen në mes të vitit 2023 dhe surprizoi fansat më 11 dhjetor 2024 kur Selena publikoi në Instagram një foto me unazën e fejesës dhe mbishkrimin: “Forever begins now..”. Dasma, sipas thashethemeve, do të mbahet në shtator 2025 në Montecito, Kaliforni – por data zyrtare ende nuk është shpallur.
Nëse një gjë është e sigurt, është kjo: Selena mezi pret të ecë drejt altarit!
