Pas ndarjes së bujshme mes Gjestit dhe Eglit, rrjetet sociale janë mbushur me komente e aludime se Kaderi mund të ketë qenë një nga arsyet e prishjes së çiftit. Thashethemet u përhapën me shpejtësi, duke ndezur kureshtjen e publikut dhe duke hapur debate të shumta online.
Për t’i dhënë fund spekulimeve, ish-banorja e “Big Brother VIP Kosova” ka folur hapur në një intervistë për emisionin Prive, ku ka mohuar çdo dyshim mbi një lidhje të mundshme me Gjestin.
“Gjestin e konsideroj shok, nuk ka asnjë arsye që unë të ndërhyj në raportin e tij me Eglin,” u shpreh Kaderi, duke theksuar se mes tyre ekziston vetëm miqësi dhe respekt. Ajo nuk i kurseu as fjalët e mira për Eglin, të cilën e përshkroi si një vajzë shumë të bukur dhe të veçantë.
Zërat për një afrimitet mes saj dhe Gjestit nisën pas një ndërveprimi të vogël në rrjete sociale, ku ai i kishte lënë një emoji çokollate, ndërsa ajo iu përgjigj me fjalën “jom”. Ky detaj u interpretua si shenjë afrimiteti nga ndjekësit, veçanërisht pasi u vu re se Kaderi ishte e vetmja ish-banore e BBVK që Gjesti ndiqte në Instagram.
Megjithatë, deklarata e saj e qartë duket se i ka vënë kapak kësaj historie, duke treguar se raporti mes tyre nuk shkon përtej miqësisë.
