“Kina po tregton mish njeriu në supermarket”, ka qënë ky lajmi i cili ka tronditur të përditshmet ndërkombëtare.
Sipas “Indipendent” qeverisë kineze i është raportuar lajmi se një pjesë e mishit të eksportuar nga Kina në vendet e Afrikës është mish njeriu. Sipas akuzave ky mish është paketuar dhe është shitur si mish i kripur në dyqanet ushqimore të Afrikës.
Lajmi është publikuar për të parën herë nga një përdoruese e rrjetit social “Facebook” e cila shkruan:
“Ju lutem shpërndajeni këtë informacion në të gjitha kontaktet tuaja. Kina po paketon mish njeriu dhe po e shet në vendet afrikane si mish të kripur. Ju lutem qëndroni larg mishit që vjen nga Kina pavarsisht markës që përfaqëson.”
Vajza që ka shkruar këtë status quhet Barbara Akosua Aboagye dhe postimi i saj është shpërndarë 26.168 herë.
Por e gjithë kjo situatë alarmuese nuk mund të kalonte në heshtje. Ambasadori i Kinës në Afrikë ka reaguar menjëherë duke deklaruar se e lajmi i cili po qarkullon në tabloidet ndërkombëtare nuk është aspak i vërtetë.
“Kjo akuzë është shpifje me një qëllim negative, dhe është absolutisht e papranueshme për ne. Shprehim zemërimin tonë për akte të tilla të pavërteta”- ka deklaruar Yang Yoming.
Gazeta dhe portale online të Afrikës së Jugut kanë shkuar shumë larg me akuzat e tyre duke raportuar se një ndër arsyet pse Kina eksporton mish njeriu është për shkak të mbipopullimit duke mos gjetur hapësirë për të varrosur trupat e pajetë.
Burimi: The indipendent
