Rrjetet sociale janë ndezur sërish me thashethemet më të fundit rreth dyshes së dikurshme, Olsi Bylyku dhe Egli Tako. Arsyeja? Disa postime që fansat i kanë parë si më shumë se rastësi.
Fillimisht, Egli publikoi në Instagram disa foto ku kishte veshur një fund të zi, të shoqëruara me fjalën “AURA”. Vetëm 24 orë më vonë, Olsi hodhi në rrjet pjesë nga kënga e tij e re “Haram”, ku shkruante:
“Fustani zi Pantera…Sa e pash, AURA…Nuk po munem me ja marr vemendjen as me batuta…Amo trunin ma ka lujt, Kush budall me ty ka lujt? Vetëm shansin me ma dhon me qen n’krah t’je t’isha lut…”
Kjo përputhje i ka bërë ndjekësit të dyshojnë se kënga është një dedikim i hapur për Eglin. Shumë kujtojnë se edhe gjatë qëndrimit të saj në “BBV”, disa projekte të Olsit u interpretuan si mesazhe të fshehura për ish-partneren e tij.
Fansat nuk e kanë lënë pa komentuar, ku dikush shprehet: “AURA dhe në foton e Eglit, rastësi?”
Ndërsa një tjetër shkruan: “Na fal o Olso, po teksti duket fiks për Eglin!”
“WOW! Sa pashë AURA, më pas thotë kush budalla ka lujt me ty…Olsi mos do të na thuash diçka?” – shkruan dikush.
“Fusanti i zi, pantera, sytë e tu më kanë verbu, kush budallë ka lujt me ty, si ti me vite s’kam pa. Kjo këngë duket nga e ka marrë frymëzimin” – shkruan një tjetër.
Historia e tyre pesëvjeçare duket se ende lë gjurmë, edhe pse sot realiteti është krejt tjetër: Olsi është në një lidhje të konfirmuar me gazetaren Denada Lura, marrëdhënie që ai e ka ndarë haptazi me publikun.
