Ish-finalistja e “Big Brother VIP 4”, Egli Tako, ka ndarë një histori që i ka bërë ndjekësit të ndihen si në një film thriller. Këngëtarja ka treguar në “Instastory” se gjatë një udhëtimi vetëm në Mal të Zi, përfundoi e humbur për disa orë në male.
“Me sukses mbasi humba për rreth 3 orë komplet e vetme nëpër majat e thepisura të Maleve në Mal të Zi. Fati deshi ta gjej rrugën time pa pyetur askënd. Dhe jo, s’po e dramatizoj. Humba vërtetë”, shkruan Egli.
Por emocionet nuk ndaluan aty. Ajo rrëfeu se pati edhe momente frike, kur mendoi se gjithçka mund të kishte një fund tragjik.
“Këtë foton e shkrepa gjatë një aritmie disa sekondëshe për ta patur kujtim njerëzit e dashur në rast se nuk e gjëja rrugën dhe çdo gjë mbaronte në ato male. S’dua të shoh më mal me sy për 5 vitet e ardhshme. I urrej malet nga sot”, vijon këngëtarja.
Megjithatë, pas “odisesë” së frikshme, Egli arriti më në fund në destinacionin e saj, dhe këtë herë zgjodhi humorin për ta mbyllur historinë.
“Sirena arriti në det sikur asgjë të mos ketë ndodhur. Vdes për tokën. Më jep siguri kur i kam këmbët në tokë. Nëse më jep siguri, jam e jotja përgjithmonë. Kujdes rrugës bebushaaa”.
Fansat e saj janë lehtësuar që gjithçka përfundoi pa pasoja, por aventura e Eglit mbetet një nga historitë më të pazakonta që ish-banorja e BBV ka ndarë ndonjëherë.
