Jennifer Aniston ka konfirmuar atë që fansat dyshonin prej kohësh: aktorja 56-vjeçare është në një lidhje të re. Ylli i “Friends” u shfaq për herë të parë krah partnerit të saj, Jim Curtis, gjatë premierës së sezonit të katërt të serialit “The Morning Show”, të mbajtur më 9 shtator në Muzeun e Artit Modern në Nju Jork.
Aktorja u shfaq në tapetin e kuq me një fustan të zi elegant, duke pozuar përkrah kolegëve Reese Witherspoon, Billy Crudup dhe Mark Duplass. Por vëmendjen e mori Jim Curtis, i cili e shoqëroi nga afër, duke e mbështetur me një buzëqeshje të dukshme.
Ky dalim publik vjen vetëm pak ditë pas një “paralajmërimi” të Aniston në rrjetet sociale. Të dielën, më 7 shtator, ajo ndau në Instagram një album me 18 foto nga vera, të shoqëruara me mbishkrimin: “Faleminderit, verë”.
Mes imazheve të pushimeve, fansat vunë re edhe një detaj që ndezi kuriozitetin: në një nga fotot shihej pjesërisht koka e një burri, që besohet të ishte Jim Curtis. Edhe pse aktorja nuk e etiketoi, komentet shpërthyen menjëherë duke e konsideruar si “konfirmimin e heshtur” të lidhjes.
