Edhe pse kanë kaluar plot tre vite që nga përfundimi i Big Brother VIP 2, Efi Dhedhes mbetet një nga emrat që publiku nuk e ka harruar. Ish-banorja, që u bë një nga figurat më të përfolura të reality show-t, ka folur së fundmi për mënyrën se si ajo periudhë vijon ta ndjekë edhe sot.
Në një intervistë të fundit, Efi u rikthye pas në kohë, duke rrëfyer se ende sot përballet me komente që lidhen me marrëdhëniet e saj me Luiz Ejllin dhe Olta Gixharin.
“Ka komente, jo për Oltën, për Luizin më shumë. Ka akoma njerëz që kanë ngelur para tre vitesh. Unë nuk kam mllef për njeri. Çfarë ka kaluar ka qenë shumë e bukur. Nuk e fshijmë dot,” – është shprehur Efi me sinqeritet.
Moderatorja theksoi se përvoja në Big Brother VIP e ka ndihmuar të rritet emocionalisht dhe të mos ndikohet më nga fjalët e të tjerëve.
“Ajo periudhë më ka forcuar shumë. Kam mësuar të mos reagoj ndaj çdo komenti dhe të mos e lejoj askënd të më ulë shpirtin. Çdo përvojë, edhe ajo më e vështira, më ka bërë më e fortë dhe më e ndërgjegjshme për veten,” – tha ajo.
Efi shtoi se nuk mban asnjë ndjenjë negative për askënd dhe se kujtimet nga shtëpia e famshme i ruan me dashuri.
“Unë nuk kam mllef për askënd. Gjithçka që ka ndodhur aty, ka qenë pjesë e një eksperiencë që sot e shoh me buzëqeshje. Ka qenë një periudhë shumë e bukur që s’mund ta fshijmë dot,” – u shpreh ajo.
