Luiz Ejlli, ka ngritur kureshtjen e ndjekësve me një postim misterioz “në Instagram”, që ngjan më shumë me një trailer filmi sesa me një story të zakonshëm. Në imazhin që publikoi, ai shkruan:
“Në shkurt 2026! Lajmet do të bëhen film, dhe filmi do të bëhet lajm.”
Ky njoftim ka bërë që fansat të aludojnë se më në fund, po konkretizohet projekti për të cilin ai dhe bashkëshortja e tij, Kiara Tito, kanë folur prej muajsh. Prej kohësh, çifti më i komentuar i showbizit shqiptar përflitet për një film romantik, ku të dy do të jenë protagonistët kryesorë.
Në një intervistë të dhënë në maj, Kiara kishte zbuluar për herë të parë planet për këtë projekt:
“Jemi duke u organizuar për të bërë një film bashkë. Është hera e parë që e them publikisht. Luizi e ka përmendur ndonjëherë në Story, por tani po flasim për diçka konkrete. Është një projekt që e kemi shumë për zemër dhe mezi presim ta realizojmë.”
Burime pranë çiftit bëjnë me dije se xhirimet pritet të nisin së shpejti, ndërsa projekti po përgatitet me kujdes për të sjellë një histori që përzien realitetin me artin, pikërisht ashtu siç e paralajmëroi Luizi në postimin e tij.
Edhe pse titulli dhe ekipi realizues ende nuk janë bërë publikë, një gjë është e sigurt: Luizi dhe Kiara po përgatisin diçka që pritet të kthehet jo vetëm në film, por edhe në lajm.
