Disa orë mjaftuan që interneti të shpërthente me teori ndarjeje, vetëm pse Justin Bieber nuk publikoi asnjë urim për ditëlindjen e Hailey-t. Ndjekësit nisën menjëherë të spekulojnë për martesën e tyre, sidomos pasi krijuesi i hitit “Baby” qëndroi i heshtur në rrjetet sociale.
Por duket se çifti kishte mënyrën e vet për t’i qetësuar të gjithë.
Hailey Bieber, e cila festoi 29-vjetorin e saj të shtunën, ndau të dielën në Instagram një seri fotosh dhe videosh nga festa intime, ku vëmendjen e mori një moment shumë i thjeshtë, por domethënës. Videoja, e realizuar nga një kënd sipër, tregon këmbët dhe duart e tyre teksa ecin bashkë në shtëpi, duke dhënë një mesazh të qartë: Justin ishte aty.
Ajo e shoqëroi postimin me përshkrimin: “java më e mirë që mbush 29 vjeç (emoji me zemra dhe krahë të bardhë), duke lënë të kuptohet se bashkëshorti i saj nuk e kishte lënë as për një çast të vetëm gjatë ditëve të festimeve.
Në karusel u vu re edhe një foto me djalin e tyre, Jack Blues Bieber, të cilin çifti e mirëpriti në gusht të vitit 2024 dhe që prej asaj kohe kanë zgjedhur ta mbajnë larg syrit të publikut, pa zbuluar portretin e tij.
Edhe pse Justin ende nuk ka reaguar publikisht, gjesti i publikuar nga Hailey duket se mbylli çdo dyshim për raportin e tyre.
