Endri Prifti ka rikthyer vëmendjen te jeta e tij personale me një histori që preku publikun gjatë intervistës së fundit në “Goca dhe Gra”. Këngëtari tregoi se vetëm katër muaj më parë është takuar me djalin e vogël pas një shkëputjeje trevjeçare, një moment që ai e përshkroi si të paharrueshëm.
“Kam 2 djem. Tani e takova edhe djalin e vogël, para katër muajsh pas tre vitesh. Më erdhi vetëm, më tha më ka marrë malli. Më iku truri fare mua. Nuk ka gjë më të bukur se të jesh afër fëmijëve. Kur nuk e shikoja djalin e vogël, më dukej vetja bosh. Nga mungesa edhe abuzonim një çikë. Nga një gotë tani do e pimë ne. Një gotë raki ngordh mikrobet”, tha ai.
Përveç raportit me djalin, këngëtari ndaloi edhe te raporti i ndërlikuar që ka pasur ndër vite me të atin. Ai rrëfeu se distanca dhe rrethanat e kohës e kanë mbajtur larg, por se sot nuk mban më asnjë mëri.
“Unë fal çdo njeri në jetë. Jeta kështu ishte atëherë, komunizëm. Unë babin se kam parë asnjëherë, vetëm në rrugë. Kështu ishte jeta. Kur kaluan shumë vite e takuam në një dasmë. Do donim ta takonim por kaluan shumë vite dhe ai s’kishte më forcë të na takonte. Kështu ndodhi. Ishim larg. Të falur janë të gjithë”, tha Endri.
Rrëfimi i tij u komentua gjerësisht, sidomos për mënyrën e sinqertë me të cilën foli për mungesat, faljen dhe rindërtimin e marrëdhënieve brenda familjes.
