Blendi Fevziu ka habitur publikun gjatë shfaqjes së tij në “Mirëmbrëma Yje”, ku Arbana Osmani e vuri përballë një pyetjeje të thjeshtë… por me përgjigje krejt jashtë skenarit. Teksa biseda mori pak nga pak trajta humori, Arbana e pyeti: “Cila ka qenë dhurata më e shtrenjtë që i ke bërë gruas?”
Pa përmendur unaza diamanti, udhëtime ekzotike apo gjëra të shtrenjta, Fevziu u kthye pas në kohë dhe tha: “Puthja e parë.”
Arbana, duke qeshur, e pyeti: “Po pse e konsideron të shtrenjtë? Kur ka ndodhur?”
Fevziu: “Ka qenë në vitin 1998.”
E natyrisht moderatorja nuk u ndal me kaq: “Ok, në çfarë vendi?” pyeti ajo me kureshtje.
Dhe Fevziu e mbylli me detajin që askush s’e priste: “Ka qenë në makinën time!”
Një moment spontan, plot humor dhe nostalgji, që e ktheu intervistën në një nga klipet më të shpërndara të ditës në rrjete sociale.
