Një postim i thjeshtë në Instagram mjaftoi që Sofia Vergara të rikthehej në qendër të vëmendjes, këtë herë jo për një rol apo dalje publike, por për pamjen e saj krejt ndryshe nga ajo që jemi mësuar të shohim sot.
Aktorja ndau disa fotografi nga e kaluara, ku shfaqet me flokë të errët, duke krijuar reagime të menjëhershme mes ndjekësve, të cilët mezi e njohën yllin e “Modern Family”.
Në imazhet e publikuara, Vergara shihet e ulur përpara një pianoje, me flokë të zinj, e veshur me një fustan të gjelbër të ndezur, të lirshëm dhe taka, një pamje që kontraston fort me identitetin e saj aktual biond.
Megjithëse nuk dihet saktësisht se kur janë realizuar këto foto, aktorja ka folur hapur për transformimin e saj në një intervistë të vitit 2024 për revistën People. Ajo zbuloi se është bionde natyrale dhe se ndryshimi i ngjyrës së flokëve në fillimet e karrierës ishte një vendim i vetëdijshëm profesional.
“Në fund të fundit, ishin vetëm flokë,” tha ajo. “Nuk është se po prisja gishtat.”
Pasi u shpërngul nga Kolumbia në Shtetet e Bashkuara në fillim të të tridhjetave, Vergara përjetoi vështirësi për shkak të pritshmërive stereotipike të industrisë së filmit.
“Pamja e saj nuk ishte ajo që Hollywood-i zakonisht e lidhte me gratë latine”.
Aktorja shpjegoi se pritshmëritë ishin të qarta:
“Ata prisnin një grua me flokë më të errët. Ishte e vështirë, sepse ishin pak të hutuar: ‘Kjo grua tingëllon si latine, por është bionde’.”
Vendimi për të ndryshuar pamjen rezultoi vendimtar për karrierën e saj:
“Vendosa ta ndryshoja ngjyrën e flokëve në të errët dhe kështu fillova të punoja,” tha ajo, duke shtuar se kjo “i ndryshoi jetën, sepse u punësua në serialin ‘Modern Family’, ku punoi për 11 vite”.
Pas sezonit të tretë të serialit, Vergara tregoi se nisi t’i kthente flokët gradualisht në bionde:
“Pak nga pak, dhe gjithçka shkoi mirë”.
Ndër vite, aktorja ka folur shpesh për marrëdhënien e saj me flokët. Ajo i ka thënë revistës Fashion se:
“Nuk ka pasur kurrë flokë shumë të shkurtër”, sepse “nuk mendon se do t’i shkonin”, edhe pse pranon se “do të ishte argëtuese ta provonte”.
Një tjetër eksperiment që shmanget prej saj?
“Prerja e ballukeve është gjithmonë diçka për të cilën pendohet.”
Vergara ka zbuluar gjithashtu se frymëzimi i saj për flokët është Sophia Loren:
“Ajo kishte flokët më glamurozë”.
Si fëmijë, ajo kujton se flokët e saj bionde zbardheshin edhe më shumë nga jeta pranë detit. Edhe pse e konsideron veten të aftë në grim, për flokët ajo ka një rregull të artë:
“Ia lë profesionistëve”.
