Julian Deda, i njohur për pjesëmarrjen e tij në “Big Brother VIP 3”, ishte mysafir këtë mëngjes në emisionin “Wake Up”. Aktori komentoi edicionin e fundit të reality show-t dhe ndau përvojat e tij personale brenda shtëpisë më të famshme në Shqipëri.
Gjatë intervistës me Blendi Salajn dhe Heidi Baçin, Deda foli edhe për disa detaje që nuk i kishte zbuluar më parë. Ai theksoi se banorët që pretendojnë se harrojnë kamerat, nuk thonë të vërtetën.
“Do apo nuk do ti, ato kamerat do t’i kesh në ndërgjegje. Le ça themi ne që harrohen. Harrohen mo, është e vërtetë, në pjesën më të madhe. Por prapë ti e ke aty se e ke në një nivel me sytë, e shikon, ti e di që po të shohin X veta. E shumë gjëra ti i bën për hir të kamerave. E këta që thonë i kanë harruar komplet kamerat, gënjejnë”, tha Deda.
Por nuk mbaroi me kaq. Jul rrëfeu edhe një episod humoristik që i ndodhi gjatë kohës që ishte brenda shtëpisë:
“Kur fle, se nuk lejohet të flesh gjatë ditës. Me rregullore nuk lejohet të flesh pa fikur dritat e dhomës. Mbaj mend vinim syzet e diellit dhe shtriheshim. Unë paditesha direkt se në sekondën e tretë gërhas fort. Ka qenë një e bukur fare, do ta them këtë se ka ikur tani ai muhabet. Ka qenë një moment, ishim te një kënd i kuq, ishin duke bërë debat Egla me Meritonin. Unë isha mu në mes, me syze dhe në gjumë. Më thërret në dhomë të dëshirave ‘vëllai i vogël’ dhe më thotë ‘është në kuadër debati, je në sfond duke gërhitur si derr. O do çohesh’. I thashë ça të bëj se vdiqa për gjumë”, tregoi aktori, duke shkaktuar të qeshura në studio.
