Gjatë prime-it të dytë të Big Brother Albania VIP, shtëpia ka përjetuar momentet e para të tensionit mes banorëve. Një situatë që në dukje nisi e qetë, përfundoi në debat të hapur, pas ndarjes së shtretërve nga Kristi.
Selina kishte shprehur më herët dëshirën që të qëndronte pranë Mirit, dhe vendimi i Kristit për t’i vendosur në të njëjtin shtrat u bë realitet. Megjithatë, ky vendim nuk u prit aspak mirë nga banorja, e cila u ndje e ekspozuar dhe e disrespektuar, sidomos për faktin se ishte e vetmja vajzë në shtëpi që u vendos të flinte me një djalë.
Në prime u transmetua një klip ku shihej afrimiteti mes Selinës dhe Mirit, çka ndezi menjëherë reagimet në studio dhe në shtëpi. Debati u intensifikua, teksa Selina reagoi me tone të ashpra ndaj komenteve që po bëheshin.
Kristi: E mirë o mirë
Selinë: Këto komente i ke stop. Mos i bëj, ajo është një montazh.
Kristi: Iliri nisi të bëjë shkuesi dhe po i bëj unë.
Selinë: Nuk mund të guxojë askush të bëjë komente. Komenti i malit, Miri a je ti burrë i martuar. Miri është mosha e babit tim, po është edhe burrë i martuar.
Situata u tensionua edhe më shumë pas një ndërhyrjeje nga Stine, i cili iu bashkua gjithashtu komentit të Malit.
Selinë: Mos bëj llaka llaka, nuk rri dot pa ndërhyrë në çdo vend ti.
Nga ana e tij, Miri u përpoq të qetësonte situatën, duke sqaruar pozicionin e tij:
Miri: Unë e përkëdhel Selinin si vajzën time.
Debati shënon përplasjen e parë serioze në këtë edicion të BBV, duke treguar se dinamika mes banorëve ka nisur të marrë kthesa të forta që në ditët e para. Prime-i i dytë la pas jo pak pikëpyetje mbi marrëdhëniet që po krijohen në shtëpi dhe kufijtë që secili është gati të vendosë.
