Luiz Ejlli ka ndarë një mesazh të gjatë dhe emocional në Instagram, në mbrëmjen e 24 dhjetorit, duke e përshkruar këtë datë si një natë me peshë të veçantë për të.
“Sot është 24 dhjetor. Një natë me shumë peshë për zemrën time”, shkruan ai.
Këngëtari ndalet fillimisht te humbja e të atit, duke kujtuar pesë vitet pa të:
“5 vite pa babin, mungesa e tij s’plaket kurrë. Në çdo dritë Krishtlindjesh më mungon zëri i tij.”
Më pas, Luizi përmend lidhjen me Kiarën, të cilën e quan një takim që erdhi në një moment të vështirë të jetës së tij:
“3 vite me Kiarën, një takim që erdhi kur isha i thyer dhe u bë shpëtim i heshtur.”
Në mesazhin e tij, ai ndalet edhe te vajza e tyre, Luna:
“Solli në jetë Lunën! Një dritë e vogël që mposht çdo dhimbje. Ti je arsyeja pse shpresa nuk shuhet.”
Luizi kujton gjithashtu hyrjen e tij në formatin që shënoi një kthesë të rëndësishme në jetën personale dhe profesionale:
“Dhe hyrja ime në atë format! Një derë që ndryshoi jetën time, më rriti, më provoi, më rindërtoi.
Në fund, këngëtari e përmbledh gjendjen e tij emocionale me pak fjalë:
“Sonte kam lot, dashni, kujtime dhe falënderim. Nuk po festoj, po ndjej. Gëzuar Krishtlindjet për ata që janë me ne dhe për ata që jetojnë përgjithmonë në zemër.”
