54-vjeçari, vëllai binjak i aktores Ema Andrea, raportohet se ka pësuar një arrest kardiak dhe për pasojë ka ndërruar jetë teksa stërvitej në palestër. Lajmi i ndarjes së tij të papritur nga jeta ka tronditur botën e sportit dhe medias.
Enea Andrea ka qenë pjesë e ekipit të basketbollit të Dinamos gjatë viteve 2000–2005, periudhë në të cilën u aktivizua si lojtar i klubit kryeqytetas. Pas përfundimit të karrierës si basketbollist, ai vijoi rrugëtimin e tij profesional në gazetari sportive, ku u bë i njohur për komentet dhe analizat e ndeshjeve të basketbollit.
Andrea ka komentuar edhe kampionate të rëndësishme ndërkombëtare, përfshirë NBA-n, duke lënë gjurmë si një zë i respektuar dhe i dashur për publikun sportdashës.
