E gjendur përballë moderatores Elita Rudi në emisionin Elite Zone, këngëtarja Greta Koçi ka mohuar të ketë pasur një lidhje 4 vitet e fundit. Ndër të tjera, ajo ka shpjeguar se për 4 vjet ka qenë e angazhuar në politikë dhe pasi mbaroi këtë mandat, ka vendodur t’i përkushtohet me kohë të plotë muzikës, transmeton “Class”. Por Greta thekson edhe se për jetën pivate ka preferuar gjithmonë të jetë më e tërhequr. Kështu, pyetjes nëse ka qenë në një lidhje katër vitet e fundit, këngëtarja i përgjigjet: “Jo, nuk kam qenë dhe nuk jam, se po të jem nuk është ndonjë gjë që nuk mund ta them, nuk jam në një moshë që nuk mund ta them. Megjithatë, unë kam qenë gjithë kohë e tërhequr nga këto deklarata, sepse mendoj që të paktën jeta private të mbetet e imja, nuk ka pse të hapet. Por, nga ana tjetër, e kuptoj që interesi publik është shumë i madh të dinë për një personazh publik se me kë fejohet, me kë është në lidhje, me kë martohet etj. Unë nuk kam asgjë konkrete. Si natyrë, jam tradicionale. Pra në gjykimin tim, nuk qëndron që unë duhet të bashkëjetoj apo të kem një lidhje dhe pas një muaji të këputet. Dua që në momentin që unë të vendos të krijoj një lidhje, ajo të jetë zyrtare, familjare dhe më pas publike, pas asnjë lloj problemi”.
