Fero, ka qenë i ftuar në një intervistë ekskluzive për emisionin “Ora Shtatë”, ku ka folur hapur për rrugëtimin e tij artistik, jetën personale dhe planet për të ardhmen. Ai ka bërë të ditur se viti 2026 do të jetë i mbushur me projekte të reja muzikore dhe energji pozitive.
Gjatë bisedës, Fero ka ndarë edhe përjetime nga periudhat më të vështira të jetës së tij, duke treguar se ka kaluar sfida personale që sot i konsideron të tejkaluara. Reperi zbuloi gjithashtu se Vitin e Ri do ta presë në gjumë, një vendim që, sipas tij, është krejt personal.
I pyetur nëse kjo zgjedhje ka lidhje me mungesën e pranisë së vajzës së tij, Fero e pranoi se kjo është një nga arsyet kryesore. “Po normal, por tani unë flas me vajzën”, u shpreh ai, duke shtuar se periudhat e dhimbshme tashmë kanë mbetur pas. “Nuk ka më diçka të dhimbshme, të gjitha ato periudha kanë kaluar. Tani flas me vajzën dhe gjithçka është në rregull”, tha reperi.
Për fansat e tij, Fero dha edhe një lajm të mirë: kënga e re pritet të publikohet gjatë muajit janar. Ai premtoi se projekti i ardhshëm do të sjellë energji pozitive dhe do të reflektojë stilin e tij unik muzikor, duke rritur pritshmëritë e publikut.
