Një tjetër skenë që u kthye menjëherë në temë diskutimi është regjistruar sot në ambientet e “Big Brother VIP Kosova”. Banorja Alba Pollozhani u përfshi në një moment të papritur, kur humbi ekuilibrin dhe u rrëzua, duke shkaktuar të qeshura mes banorëve.
Fatmirësisht, ndryshe nga herët e kaluara, këtë radhë rrëzimi nuk pati asnjë pasojë. Alba u ngrit menjëherë dhe vazhdoi aktivitetet e saj pa pasur nevojë për ndërhyrje mjekësore.
Ky shënon rrëzimin e tretë të Albës gjatë qëndrimit në BBVK. Dy episodet e mëparshme kishin kërkuar kujdes më të madh, por sot situata u përjetua si një moment i lehtë dhe argëtues brenda shtëpisë.
Ngjarja ndodhi në çastin kur ajo po hynte në lavanderi dhe u pengua nga disa rroba të shpërndara në dysheme. Banorët që ishin pranë reaguan me batuta dhe të qeshura, ndërsa edhe vetë Alba e mori situatën me sportivitet, duke u bashkuar me humorin e krijuar.
