Pas tensioneve të mbrëmjes së kaluar në spektaklin “Prime”, ku Alba adresoi akuza të drejtpërdrejta ndaj Fjolla Morinës, reagimi më i fortë nuk erdhi nga brenda shtëpisë, por nga jashtë saj.
Lediana, vajza e këngëtares, ka zgjedhur rrjetet sociale për të shprehur indinjatën e saj ndaj asaj që u tha në ekran. Ajo e cilësoi situatën si të dhimbshme dhe të padrejtë, duke theksuar se fjalët publike nuk prekin vetëm personazhin publik, por edhe familjarët.
“Marre prej asaj personi për ato fjalë… harrohet që janë fëmijët që lendohen,” shkroi ajo, duke bërë thirrje për më shumë përgjegjësi në mënyrën se si trajtohen konfliktet në publik.
Reagimi i Ledianës vjen në një moment delikat, pasi pas zhvillimeve të fundit, Fjolla Morina mori vendimin për t’u larguar nga shtëpia e “Big Brother VIP Kosova”, duke u tërhequr nga gara për çmimin e madh. Një vendim që ka ngjallur diskutime të shumta dhe ka ndezur edhe më shumë debatin rreth asaj që ndodhi gjatë spektaklit.
