Rikthimi i Xheneta Fetahut në shtëpinë e Big Brother VIP Kosova nuk kaloi pa bujë. Edhe pse hyrja e saj ishte vetëm për 24 orë, prania e ish-banores mjaftoi për të ndezur sërish diskutime, emocione dhe kujtime nga edicioni i tretë.
Gjatë bisedave me banorët, Xheneta foli hapur për përjetimet e saj personale, duke lënë të kuptohet se raporti me Gjestin ka qenë shumë më i thellë nga sa ishte perceptuar nga publiku. Edhe pse nuk e përmendi emrin e tij drejtpërdrejt, fjalët e saj e bënin të qartë se kujt i referohej.
“Të them realitetin, mundem të them 100 për qind kur isha në shtëpi kam menduar se ndoshta kam pasur ndjenja për të, pa vetëdijen time, që e kam kuptuar kur kam dalë jashtë… e kam kuptuar në mënyrën, sjelljen që ai e ka bërë brenda… e kam kuptuar kur mua më dhimbti kur e kam parë me dikë tjetër. Aty e kam kuptuar se ka diçka që mua ma ndjen”, ka rrëfyer Xheneta.
Marrëdhënia e saj me Gjestin ishte një nga temat më të komentuara të sezonit të tretë të BBVK-së, me momente tensioni, afërsie dhe ndjeshmërie që mbajtën vëmendjen e publikut gjatë gjithë kohës.
