Një deklaratë e papritur në “Fan Club” ka ndezur menjëherë rrjetin dhe ka rikthyer në vëmendje të kaluarën e Brikenës. Ish-banorja e “Big Brother”, Olta Sheta, teksa po komentonte dinamikat e “Big Brother VIP 5”, hodhi një pretendim që u bë menjëherë lajm: sipas saj, Brikena kishte pasur një lidhje me ish-konkurrentin e “Për’puthen”, Atdheun, në një periudhë kur ajo ende nuk ishte figurë publike apo Miss.
Por zhurma nuk zgjati shumë pa një reagim. Vetë Atdheu u përfshi drejtpërdrejt në emision për të sqaruar situatën dhe për të hedhur poshtë çdo aludim për një histori romantike. Ai tregoi versionin e tij mbi njohjen me Brikenën, duke theksuar se mes tyre nuk ka ekzistuar asgjë përtej një takimi miqësor.
“Është vajzë e çiltër, është vajzë e pastër. Nuk është intrigante. Madje po bëj tifo për të. Nuk dua të kryqëzohet në rrjet, prandaj vendosa të reagoj, nuk ka patur gjë. Thjesht jemi njohur, kemi dalë, jemi takuar një herë në kafe përmes një shokut tim, edhe kaq”, tha ish-konkurrenti i “Për’puthen”.
Ai shtoi gjithashtu se vazhdon të ketë marrëdhënie shoqërore me Mateon, pasi janë njohur që në kohën kur ishin pjesë e të njëjtit format televiziv.
