Rrjetet sociale janë përfshirë nga një valë komentesh dhe dyshimesh që lidhen me sjelljet e Bia Khalifës brenda shtëpisë së “Big Brother VIP Kosova”. Në qendër të diskutimit janë disa video dhe momente që ndjekësit po i interpretojnë si shenja të “ritualeve” apo veprimeve misterioze, duke e kthyer temën në një nga më të përfolurat e orëve të fundit.
Kukulla, gjilpëra dhe veprime të pashpjeguara
Pamjet më të shpërndara tregojnë Biën duke shpuar me gjilpërë kukullën “Labubu”, ndërsa përmend emrin e Albas. Pas kësaj, ajo shihet duke bërë veprime që shumë i konsiderojnë të pazakonta: fshehje objektesh në dyshekun ku flinte me Albën dhe hedhje varësesh, të pyshtyerit me ujë në shtratin e saj janë disa nga detajet që për një pjesë të publikut kanë marrë kuptim simbolik.
Episodi me këpucët e Tonit ringjall dyshimet
Debati nuk ka mbetur vetëm te momentet e fundit. Ndjekësit po rikujtojnë edhe një video më të vjetër, ku Bia i mbush këpucët e Tonit me ujë. Pasi ai u eliminua më vonë nga loja, shumë komente në rrjet po e lidhin këtë veprim me një “paralajmërim” apo supersticion që, sipas tyre, u realizua.
Frika e Albas para kamerave
Ajo që i ka dhënë edhe më shumë peshë teorive është reagimi i vetë Albas. Banorja është filmuar duke shprehur dyshimin e saj për Biën me fjalët: “Sa herë vij në banjo, vetëm kjo është… mos ka nis sehiret?”. Kjo deklaratë ka nxitur edhe më tej interpretimet e publikut.
A kemi të bëjmë me thjesht rastësi, me një lojë psikologjike brenda shtëpisë, apo me një strategji për të frikësuar kundërshtarët? Një gjë është e sigurt: videot dhe diskutimet po qarkullojnë me shpejtësi dhe po e mbajnë emrin e Bia Khalifës në qendër të vëmendjes.
