Pas deklaratës që tronditi rrjetin dhe fansat e “Për’puthen”, ku Ina pretendoi se Kristi është puthur me Stelinën, vetë konkurrenti ka vendosur të flasë publikisht dhe të sqarojë versionin e tij të ngjarjes.
I rikthyer këtë të enjte në program, Kristi mohoi kategorikisht çdo insinuatë për një raport romantik mes tij dhe Stelinës. Ai sqaroi se takimi mes tyre ka ndodhur në dyqanin e saj dhe ka qenë thjesht miqësor, pa asnjë prapavijë sentimentale.
Sipas tij, gjithçka është ekzagjeruar nga Ina, e cila, siç thotë ai, e ka interpretuar situatën sipas mënyrës së saj. Kristi theksoi se kontakti mes tij dhe Stelinës nuk ka kaluar kurrë kufijtë e respektit dhe korrektësisë.
“Ina ka qejf t’i ekzagjerojë gjërat. Kam qenë te dyqani, ishte një takim miqësor dhe puthje miqësore ne faqe, jo në buzë. Stelina, me aq sa kam kuptuar, shikonte tek unë stabilitet dhe qetësi nëse do kishte një raport. Ina bëri gjithë këtë ndarjen. Nuk mendoj se jam përdorur si mjet për hakmarrje, por aq sa kam biseduar, i kam qëndruar afër dhe kam bërë maksimalen.
Është ndjerë rehat, jam i sigurt. Jam i zhgënjyer me të thënë të drejtën, e ka përtypur dhe ka vazhduar. Më tha se do futej në Big Brother dhe jam tip suportues dhe i thashë është një shans që të jepet pse të mos e provosh. Mendoja se ajo do mbante një qëndrim për ato që kanë ndodhur. Mendoj se ende kanë ndjenja për Keijsin. Më pëlqen se ajo platformë iu nxjerr fytyrën të gjithëve”, u shpreh ai.
Kristi shtoi se ka qenë gjithmonë mbështetës ndaj Stelinës, duke i qëndruar pranë dhe duke e inkurajuar në vendimet e saj, përfshirë edhe pjesëmarrjen në Big Brother. Megjithatë, ai nuk e fshehu zhgënjimin për mënyrën se si u trajtua situata dhe për faktin se, sipas tij, e vërteta nuk u tha ashtu siç ishte.
