Pretendimeve të Mateos lidhur me raportin e tij me Brikenën jashtë dhe ndërhyrjen e familjarëve të saj, këta të fundit i janë përgjigjur përmes një reagimi publik në Instagram.
“Ndiejmë përgjegjësinë të sqarojmë një parim të thjeshtë: fjala e dhënë nuk është lojë dhe çështjet personale nuk përdoren si strategji apo për përfitim publik. Kur dy persona bien dakord që e kaluara të mos bëhet temë diskutimi, kjo marrëveshje duhet respektuar, pavarësisht rrethanave të lojës. Vendimet që pasojnë vijnë si pasojë e shkeljes së këtij parimi, dhe jo nga emocione apo interesa të momentit. Të qenit figurë publike nënkupton përgjegjësi dhe transparencë për atë që është publike, por nuk e anulon të drejtën për privatësi dhe as nuk justifikon publikimin e detajeve personale që nuk i shërbejnë askujt. E kaluara private nuk është material loje. Ne zgjedhim të mos hyjmë në detaje dhe as të drejtojmë akuza. Qëndrimi ynë është mbrojtje e privatësisë dhe dinjitetit, jo sulm ndaj askujt. Si familje, mbrojmë një parim bazë: fjala e dhënë respektohet dhe kufijtë personalë nuk kapërcehen për strategji apo vëmendje”, shkruhet në reagim.
Që në hyrje të tij në shtëpinë e “Big Brother”, Mateo solli në vëmendje një lidhje që kishte pasur disa vite më parë me Brikenën. Reagimi i saj nuk ishte aspak pozitiv, veçanërisht pas deklaratës së Mateos se mes tyre kishte ndodhur edhe një puthje.
Në rrëfimin e tij, Mateo tregoi se ata kishin nisur të njiheshin dhe të dilnin bashkë, por ndërhyrja e familjarëve të Brikenës bëri që takimet mes tyre të ndërpriteshin dhe marrëdhënia të mos vazhdonte më.
