Bianca Censori po flet më hapur se kurrë për marrëdhënien me Kanye West dhe rrëfimi i saj vjen me disa pranime që i japin kësaj historie një tjetër peshë publike.
Sipas Page Six, Bianca ka pranuar se West e kontaktoi për herë të parë ndërkohë që ishte ende i martuar me Kim Kardashian, dhe se komunikimi mes tyre nisi gjatë asaj periudhe. Ky detaj i raportuar si pjesë e një interviste “bombë” për Vanity Fair, ka hedhur akoma më shumë dritë në lidhje me të vërtetat pas romancës së tyre.
Por, përtej kronologjisë, ajo që e bën rrëfimin të rëndë është gjuha emocionale me të cilën Censori përshkruan vitin e fundit pranë reperit. Ajo u prek deri në lot dhe e përkufizoi këtë periudhë si një betejë e zgjatur mbijetese:
“Gjithçka që mund të bëj është thjesht të jem gjithmonë aty dhe ta ndihmoj… Ky vit ishte si të përpiqesha ta “mbaja gjalla”, muaj të tërë, pa pushim.”
Unë kam dashurinë dhe empatinë për të që të mund ta bëj këtë, dhe e kuptoj që bota nuk i ka.”
Në të njëjtin rrëfim, po sipas Page Six, Bianca e vlerësoi West si “a great dad” (super baba) për fëmijët e tij me Kim Kardashian, North (12 vjeçare), Saint (10), Chicago (8) dhe Psalm (6) dhe la të kuptohet se një ditë dëshiron të ketë fëmijë të saj.
Raportohet gjithashtu se Censori ka dashur të sqarojë një pikë kyçe, se martesa e saj nuk lidhet me famën apo përfitimet, por me ndjenjën. Ajo citohet të ketë thënë:
“Nuk u martova me burrin tim për ndonjë platformë. U martova sepse e dua.”
Dhe mes skandaleve të fundit që kanë rrethuar West, ajo pranoi se ka menduar të largohet, por e përshkroi atë dilemë si “sipërfaqësore” krahasuar me realitetin e brendshëm që thotë se ka jetuar.
Në fund, mes titujve, polemikave dhe glamurit të një çifti që gjithmonë ka qenë “nën lupë”, rrëfimi i Biancës e zhvendos fokusin nga imazhi te çmimi emocional i qëndrimit pranë një njeriu që, sipas saj, ka pasur nevojë për mbështetje si “ndihma e shpejtë e urgjencës” për muaj të tërë.
