Egli Tako ishte e ftuar sot në emisionin “Shqipëria Live” në Top Channel, ku ndër të tjera komentoi edhe foton e realizuar mes saj dhe Gjestit gjatë funeralit të vëllait të tij.
E pyetur nga moderatorja Sidorela Gjoni nëse e kishte menduar që ai moment do të fotografohej dhe më pas do të shpërndahej në internet, Egli u përgjigj shkurt me “jo”, duke lënë të kuptohej se situata vazhdon ta shqetësojë.
“Nuk dua ta komentoj fare si temë. Respektoj dhimbjen e tyre deri në fund dhe nuk dua të flas për këtë çështje. E vetmja gjë që mund të them është se atë ditë dukej sikur vdiq edhe njerëzimi, ndaj nuk kam asgjë tjetër për të shtuar,” u shpreh ajo, dukshëm e zhgënjyer.
