Gjatë spektaklit të fundit të Big Brother Vip Albania, Selin dëgjoi për herë të parë një deklaratë të bërë nga Miri në dhomën e rrëfimit, një fjali e shkurtër, por e ngarkuar emocionalisht, që e la atë dukshëm të shtangur.
Në rrëfimin e tij, Miri kishte folur për momentet që ndau me Selin në fillim të rrugëtimit të tyre në shtëpi, duke u shprehur: “S’duhet të kisha ardhur këtu. Kishim shumë gjëra për të sqaruar. E manifestuan gjithë shtëpia, por ja na ndanë. Unë doja të fitoja bashkë me atë sepse unë marr nga ajo dhe ajo merr nga unë. E dua mo vlla”. Një deklaratë që Selin, sipas saj, nuk e kishte dëgjuar më parë dhe që ndryshoi mënyrën si ajo e pa gjithë situatën mes tyre.
Vetë Miri sqaroi më pas se fjalët e tij nuk kishin një kuptim romantik, por ishin thënë në kontekstin e lojës dhe emocioneve të një nate të ngarkuar. “Ajo ditë është data 3 janar që ka qenë një ditë shumë e ngarkuar si prime edhe për mua edhe për Selin. Ka qenë natë me shumë emocion dhe në momentin që mbaroi nata, duke qenë se në prime dolëm shumë mirë të dy dhe doja të festoja me atë moment. Thash e dua për lojë, por jo e dashuroj”.
Megjithatë, reagimi i Selin tregoi se deklarata e tij kishte prekur një nerv të ndjeshëm. Ajo pranoi se momenti e bëri të reflektonte për vendimet e saj në raport me të. “Arsyeja pse po qesh është sepse më kanë ardhur në mendim i pari ishte ai emocioni që e tregova kur pashë videon, dhe e dyta ishte ajo që ka thënë që kur të rritet dua që vajza ime të bëhet si ti. Ndjej keqardhje vetëm për veten time në këto momente që nuk e kam marrë vendimin për t’u larguar nga Miri më përpara”.
Një përballje që ka ndezur diskutime të reja mes publikut për natyrën e raportit të tyre. Ishte thjesht një aleancë loje, një miqësi e thellë, apo diçka më komplekse që realiteti i spektaklit e ka ekspozuar para gjithë Shqipërisë? Në një format ku çdo fjali peshon shumë, ndonjëherë mjafton një deklaratë e vetme për të ndryshuar gjithë rrjedhën e historisë.
