Prej kohësh, bota e artit dhe medias është vënë në qendër të hetimeve lidhur me çështje droge. Pas zhurmës që shkaktoi shoqërimi në polici i aktorit Can Yaman për një sasi të dyshuar droge, duket se tani vëmendja është zhvendosur te një tjetër figurë e njohur e ekranit turk.
Së fundmi, në kuadër të këtij hetimi të zgjeruar, janë përfshirë edhe 16 emra të rinj publikë, mes të cilëve ish-presidenti i klubit sportiv Galatasaray, Burak Elmas, modelja Didem Soydan dhe aktorja e njohur Hande Erçel.
Deri më tani, 14 persona janë marrë në pyetje dhe më pas janë lëshuar disa urdhër-arreste, ku sipas raportimeve një i tillë është kërkuar edhe për aktoren 32-vjeçare. Pas gjithë kësaj situate, Hande ka reaguar për herë të parë, duke deklaruar se është e gatshme të bashkëpunojë me autoritetet për të sqaruar gjithçka.
“Për shkak të angazhimeve të mia akademike, ndodhem jashtë vendit prej rreth një muaji. Lajmin e mora mbrëmë, njësoj si ju. Do të kthehem në vend për të sqaruar situatën, për të dhënë deklaratat e nevojshme dhe për të dëshmuar. Jam një person që e do vendin e tij dhe ka besim në drejtësinë turke. Besoj se gjithçka do të qartësohet shumë shpejt,” është shprehur ajo.
Tashmë mbetet për t’u parë se si do të vijojë kjo çështje dhe cili do të jetë zhvillimi i mëtejshëm në raport me drejtësinë turke.
