Aktori i humorit Albano Bogdo do të mbetet pa akses në rrjetet sociale, nëse vazhdon me statuse kundër qeverisë. Të paktën kjo kuptohet nga fjalët që ai ka shkruar sot në Facebook. Sipas Albanos një status i tij kundër qeverisë, është bërë shkak që ai të marrë paralajmërimin se do t’i mbyllet llogaria e Facebook nëse vazhdon në këtë linjë. “Sa e çuditshme. Një ditë pas statusit që bëra dje, më erdhi sot një paralajmërim nga FB, i cili më njoftonte se profili im do të mbyllet, nqs nuk i respektoj edhe një herë tjetër Standartet e Komunitetit. Dmth po bëhemi si Turqia. Po na censurojnë edhe fb. Mesa duket, po më thonë me stil, që mos të merrem me këto punë, të them vetëm barsoleta në fb. Epo mirë… Po ju them një barsolete… Ju betohem që ministrat shqiptarë nuk vjedhin”, shkruan Bogdo. Ndërkohë statusi që çoi në këtë paralajmërim ishte: Nuk do shumë inteligjencë të kuptosh që, kur njerëzit urojnë me shpirt që të vdesë gjithë kabineti qeveritar, vendi nuk po qeveriset mirë”.
“Mallkoi” qeverinë, kërcënohet Albano Bogdo
