Tenton të hapë derën e avionit për të pirë cigare, “Lufthansa” bën ulje të detyruar

Ka nisur të ulërasë e të ankohet. Më tej ka përhapur panik duke tentuar të hapë derën e avionit për të pirë një cigare. Flututimi LH 476 i linjës Lufthansa, është detyruar të bejë një ulje të paprogramuar në Hamburg, për të zbritur pasagjerin e rrezikshem. Ditën e dielë avioni ishte nisur në orën 14:50 nga Mynihu për në Vankuver. Me të qenë në bord, burri ka shfaqur shenja shqetësimi e irritimi mirëpo piloti është nisur gjithsesi. Kur ishin lartësi, situata ka degjeneruar. Një pasagjer tregon: “Ishte e tmerrshme. Na thanë se një burrë donte të hapte derën për të pirë cigare. Ulëriste. Piloti u tregua i zoti dhe ruajti qetësinë derisa u ul në Hamburg”. Pasi zbriti, pasagjeri problematik u arrestua. Mjekët më vonë thanë se ai kishte probleme mendore dhe u dërgua në një spital psikiatrik. Avioni u nis sërish në orën 19:54 për Vankuver, ku mbërriti me dy orë vonesë. Policia po vazhdon hetimet.