Muzikanti Robert Berisha do të publikojë javën e ardhshme këngën e tij të parë, “Made in Albania”. Bashkëshorti i Nora Istrefit, ka vendosur që të provojë edhe zhanrin e këngës, ndonëse ka shumë vite që është pjesë e showbizit.
Në një intervistë për gazetën Paloma, Roberti ka thënë se “Made in Albania” i kushtohet të gjitha vajzave të trevave shqiptare dhe është e zhanrit popfolk.
I pyetur nëse do të ketë një duet mes tij dhe këngëtares Nora Istrefi, Roberti është përgjigjur se me shumë mundësi të dy bashkë do të bëjnë një këngë kushtuar dashurisë së tyre më të madhe, Renees së vogël e cila pak ditë më parë festoi një vjetorin e lindjes.
