Personazhet publik shpesh herë bëhet objekt ofendimesh nga ndjekësit e tyre në Instagram dhe së fundmi viktimë është bërë modelja shqiptare me famë botërore, Emina Cunmulaj. Në një fotografi të publikuar në Instagramin e saj, ku shihet së bashku me vajzën e saj, një ndjekës ka bërë një koment ofendues duke bërë që Emina të reagojë ashpër. Menjëherë Emina ka shpërthyer ndaj këtij personi duke shkruar: “Nuk merrem hiç me njerëz si ti, as emrin nuk vlen të ta them, prandaj për mua je vetëm “ti” … Njeri i poshtër, i pa kulturuar dhe thjesht njeri kot në këtë botë. Më vjen keq dhe gjynah që ka njerëz të tillë në këtë botë, çfarë idioti i poshtër si ti mendon se ka të drejtë të marr për gojë vajzën time. Sa për mua fol sa të duash, por vajzën nuk lejoj njeri në botë të flas për të… Të ishe para meje do të tregoja çfarë kakroçi do të beja more njeri i pavlerë, lum shpia që të ka brenda e lum ajo nënë çfarë paska për të rritur – me siguri e shkreta nuk e di se çfarë idioti je bërë se ajo ndoshta është munduar gjitha të mirat të t’i sjellë në jetë …”
