Kjo verë do të jetë e Çiljetës! Këngëtarja ka vendosur të shndërrohet edhe një herë në mbretëreshën e kësaj stine. Ajo së bashku me Altin Sulkun po përgatisin një këngë të re, që duket se do të shndërrohet shumë shpejt në hit. Santorini është vendi i përzgjedhur nga dy këngëtarët. Çili ka ardhur si latine në ishullin turistik. Për “Bluetooth” ajo tregon disa detaje nga ky klip. “Eshtë një këngë me ritme ballkanase. Kënga është e Elgit Dodës dhe make-up artistja Suela Çangu më ka transformuar në një latine të vërtetë. Mendoj se ky është stili im, pra si latine. Xhirimet kanë shkuar shumë mirë, e di që do të jetë projekt fantastik. Santorini është ndër vendet më të bukura në botë ndaj dhe ne e zgjodhëm. Ka qenë klip i kushtueshëm duke qenë se është vend i shtrenjtë. Ka kushtuar mbi 10 mijë euro”, ka thënë Çiljeta. / Bluetooth
