Muhammad Ali dhe djali i tij i vetëm nuk flisnin prej vitesh me njëri tjetrin. Djali i Ali-së, Muhammad Ali Jr, jeton në varfëri prej vitesh në një nga lagjet më famëkeqe të Chicagos në pjesën jugore, shkruan Daily Mail. Në intervistën e fundit, vetëm dy muaj para se t’i vdiste babai, Ali Jr e pranonte se as që i interesonte çfarë po ndodhte me të atin dhe se po kërkonte gjyshin nga nëna, i cili ironikisht vuan po ashtu nga Parkinsoni. 43-vjeçari jeton nga lëmosha bashkë me gruan e tij Shaakira dhe dy fëmijët, Ameera dhe Shakera. Ali Jr ishte në kontakt me motrat e tij, por ai kishte thënë se kurrë nuk flet me to për babin, njofton Klan Kosova.
