Një raportim i cili nuk mund të nënvlerësohet ka mbërritur tek ne nga një qytetar mbi një kompani të quajtur “Alb Alabaster”, e cila i ka zyrat tek Pallati i Kulturës në qendër të Tiranës. Lidhur me këtë kompani aludohen një sërë shkeljesh ligjore dhe procedurash, mos kryerje detyrimesh dhe deri në vendosje në rrezik të popullatës për shkak të lëndëve plasëse që mban në magazinat e veta në zemër të kryeqytetit.
Qytetari i cili flet me bindje dhe sipas tij me prova të forta, bën me dije se kjo kompani është denoncuar disa herë në polici për lëndën eksplozive që magazinon në një monument kulture e sidomos në qendër të Tiranës, por deri tani asnjë kontroll nuk është kryer. Po përse vallë? Kush mund të jetë i përfshirë në të?
Duke mos folur me siguri për raportimin, pasi nuk i disponojmë provat shkresore për këtë akuzë, e bëjmë këtë raportim për të ndërgjegjësuar organet kompetente që të hetojnë lidhur me këtë rast nëse konstatohen element paligjshmërie. Askush nuk do të donte një “Grërdec” të dytë në qendër të Tiranës. Ja raporti i plotë i qytetarit të informuar mbi rastin:
“Duket si nje teori konspiracioni por ka fakte dhe raportime se kompania “Alb Alabaster” qe ka zyrat tek Pallati i Kultures zoteron dhe magazinon lende eksplozive ne magazinen e saj. Kjo kompani si kompani nenkotraktore nuk ka urdher ministri per kryerjen e veprimtarise se saj. Ka raportime prane AKBN se ajo nuk i ka kryer detyrimet e saj, sikurse ne bilancin e vitit 2010-2011 ka lene gjendje inventari 10.000 ton mineral per te fshehur tatim fitimin.
Kjo kompani me veprimtari te dyshimte eshte denoncuar disa here ne zyrat e Policise se Shtetit per lenden eksplozive qe magazinon ne nje monument kulture por deri tani asnje kontroll nuk eshte kryer, cfare te ben te mendosh se eshte i perfshire edhe dikush tjeter ne rang te larte politik qe nuk e lejon kete kontroll qe eshte me rendesi jetike.
Brenda tek Lokali ne ambientet e pallatit te Kultures eshte nje zyre te cilen e ka kthyer ne magazin ku ne te cilen ndodhe lenda plasese. Gjithashtu ka nje magazine ne fshatin Mengaj, Komuna Helmes ne Qytetin e Kavajes ku dhe aty dyshohet te kete sasi te konsiderueshme.”/jetaoshqejf/
