Femra më seksi në botë e vitit 2015 është Emilia Clarke. Është ky vlerësimi i dhënë nga revista “Esquire” e cila çdo vit kurorëzon një personazh simbol të sensualitetit. Për aktoren ky është një vit fatlum, duke qenë se ky titull i shtohet atij të “femrës së vitit” të dhënë nga revista “GQ”. Aktorja i ka treguar botës talentin e saj si aktore dhe guximin si femër, duke u shfaqur në shumë skena e zhveshur. Revista amerikane shpjegon se përzgjedhja e saj bëhet si gërshetim i vetive të kundërta. “Ka bërë bashkë ëmbëlsinë dhe forcën, emocionet me vendosmërinë si dhe gjakftohtësinë. Dhe gjithçka duke i sjellë sa më natyrale të gjitha emocionet”, shkruhet në revistë, transmeton “NOA”.
