“Ish-Miss Albania”, Suada Sherifi pritet që të bëhet nënë së shpejti. Bukuroshja brune, e njohur edhe si prezantuese në disa formate televizive do të gëzohet pas pak muajsh me një fëmijë. “revistawho.com” zbulon se Suada dhe partneri i saj Eldi priten të bëhen prindër të një vajze, një vogëlusheje që me siguri do të jetë po aq e bukur sa mami. Dy të rinjtë janë prej një viti në një histori dashurie, të cilën Suada e rrëfehu ekskluzivisht për “revistawho.com” këtë Shën Valentin.
“Fatlumi, Lumi shkurt, është një djalë tek i cili unë kam gjetur gjysmën time më të mirë në të gjitha aspektet. Ne jemi fiks një moshë, por ai më bën të ndihem shumë më e vogël. Qetësia, maturia, intelekti dhe formimi i tij në përgjithësi më bëjnë të ndihem e sigurtë. Unë jam shumë euforike, ekspresive dhe spontane, ai është ekuilibri im, nuk më lë kurrë të rrëzohem”, – u përgjigj ajo kur e pyetëm për tiparet e djalit që i kish marrë zemrën.
“Të gjitha historitë e njohjes janë shumë të bukura, por e jona është e preferuara ime. Është shumë histori e gjatë, ndaj po e lë për një herë tjetër. Ne kemi një vit bashkë, por morëm vendime serioze që në hapat e parë. Të dy kishim dëshirën e mirë për të ndërtuar një histori mbi baza të forta, ndaj dhe futëm familjet në mes, gjë për të cilën jam shumë e lumtur”, – vijoi ajo, duke e mbyllur rrëfimin me frazën: “Ne jemi duke bashkëjetuar dhe mendoj se ky është një hap i madh drejt martesës… Por ende nuk e di se kur do të më ulet në gjunjë”. Nuk e dimë nëse do të ketë apo jo dasmë për çiftin, por ajo që dimë me siguri është se një fëmijë është forma më e bukur për të celebruar një dashuri, nga ato që jetojnë përgjithmonë, ndaj urime Suada dhe Eldi. Ardhtë e mbarë vajza juaj!
