Sot është ditëlindja e themeluësit të Top Medias Dritan Hoxha, dhe si çdo vit kjo ditë vazhdon të kremtohet si festë në stafin e Top Medias, që trashëgohet nga koha kur i ndjeri ishte gjallë dhe mblidhte punonjësit për t’u dëfryer. Por këtë vit është organizuar diçka më e veçantë, pasi do të bëhet Ceremonia e Inagurimit të Godinës së re, në ambjentet e reja të Top Channel që ndodhen në Mëzez.
Vajza e dytë e krijuesit të Top Media, Sara, i ka bërë një dedikim të atit, i cili këtë ditë do të festonte ditëlindjen. Ajo ka postuar një foto të Tanit të Top-it ku ai shihet në studiot e Top Albania Radios me ish-Presidentin Meidani.
“Sot uroj të ndjesh po aq krenari sa ndjeje kur tregoje studion e piramidës, ndërsa hapim dyert e Top-it të ri. Happy Birthday Dad!”: shkruan Sara në postimin e saj në instagram.
