Calvin Harris thyen heshtjen rreth romancës së Taylor Swift

Ai u përfol se kishte shpërthyer ndaj ish të dashurës së tij Taylor Swift pasi kjo e fundit u fotografua duke u puthur me Tom Hiddleston vetëm dy javë pasi ata bënë publike ndarjen e tyre. Por Calvin Harris ka thyer heshtjen teksa është filmuar nga TMZ duke shkuar në palestër. Kur ai është pyetur se si ndihej rreth gjithë kësaj situate, ai është përgjigjur shumë shkurt. “Calvin, ndonjë koment rreth Taylor dhe Tom? A të ka tradhtuar ajo ty?”- pyesin fotografët. Ai thjesht ka buzëqeshur dhe është përgjigjur: “Gjithçka është në rregull, ajo është duke bërë gjënë e duhur për veten e saj”. Duket se Calvin po e përballon shumë mirë këtë ndarje dhe është i vendosur të mos shfaqë asnjë emocion por burime të ndryshme raportojnë se Taylor e ka tradhtuar atë me Tom.